近期好多人问我攞意见买磨豆机,对于新手想入门玩精品,即磨系必须既,所以呢个设备亦系必买项目,系唔系一定要一颈血,就睇晒呢编blog喇。
先引用番自学手沖编入面写既:研磨器(磨豆机)主要有两种,一种是靠刀片高速旋转,随机方式的」噼」开咖啡。另一个是靠两个刀盘转动,把咖啡豆在盘中间有系统地磨细。当中个别理论在此不详谈,现在只要记住精品咖啡只会用后者-刀盘式,取其可控性和高平均度。
先睇下咩叫噼豆机
blade-grinder
呢种设计主要系比厨房要黎磨蒜头香料用,高速既刀打散d豆,除佐粗幼度不一致,更重要系连d香味都因为高速所产生既高温挥发埋。千期唔好买佢黎做咖啡,错晒。
撇开刀片式,市面上买到既磨豆器主要由四个因素去组合
1.手磨2.机磨
3.锥刀4.平刀
1同2应该唔洗解释系咩,无话边个平d,个人见解亦无话边个好d。懒人唔洗讲,一定拣机。手磨点都要花d时间,磨15g豆(一杯份),预1-3分钟左右,视乎粗幼度。机就唔洗10秒,同埋可以放定d豆系豆仓,㩒掣就磨。高端既型号会有埋份量timer,即系可以帮你用计时方法磨一个大约重量出黎,唔洗次次磅。再高档有量重功能添,不过佔好小数,亦都唔会平。
锥刀同平刀系比较难明既地方,除非你对机械工程好有兴趣,唔一定要完全理解先做到选择。每种刀盘出粉既型状有不同,细粉比率亦有分别,结果系导至味道都会各有特式。我唔buy做XX啡一定要用YY刀嘅笼统讲法。
讲多句技术性分别(非工程人员请跳过此段):手磨9成9系锥刀,而机磨就两种都会有。锥刀主要靠地深吸力将豆通过刀片组,平刀就要靠刀片转速引起既离心力去将粉推出,亦因为咁,平刀只会出现系电磨上面。
556x191xconical-vs-flat-burrs.jpg.pagespeed.ic_.Xf8EBm0s8R
锥刀(左)同平刀(右)
即系边款好d?传统老c忽答法:各有各好。
写到呢到,都无d实际d既指示,唔好打头住,呢家开始讲。机磨最平其实$200左右已经可以买到部祖国制既小飞马/鹰,呢个款其实系咖啡界既长青机,超过十年歷史,平刀设计。原版系日本Fujiroyal既小富士($3xxx),台湾厂“参考“佢出佐小飞马/鹰($1xxx),跟住Made in China既威力再将价钱推到呢家由$200起至$500不等。上淘宝search「小飞鹰咖啡磨豆机」即刻有好多选择。
siufeima.jpg
大陆小飞鹰
香港各大电器连锁会见到呢款锥刀机,大概$500-$600到。欧洲大牌,安全认证齐晒。呢类型非专业磨最大问题系细粉太多,做手沖会严重影响风味。唔建议大家买。
KG-89-left.jpg
Delonghi KG89
再上就会系d过千既prosumer机,呢编blog唔再讲落去住,有机会再写。
手磨方面,由最平30蚊淘宝不知名开始,笔者曾贪得意买过返黎试,伏已中。我地货架上面嘅mini磨系最低消费,想平平地开始玩手沖,会系一个好开始。
同mini磨一样行淘瓷锥刀,有商舖常见嘅Hario手磨,300内会买到。再上一级就系一d开发比咖啡迷既磨豆器,好似我地货架上面果只1zpresso Q series咁,会比Hario平手磨做得精密,用比陶磁襟用同少细粉嘅合金刀,亦有悭力设计。靓手磨可以去到1,2千蚊都有,即系一部prosumer级既电磨。系,好夸张。
hario_grinder
Hario Skerton
OLYMPUS DIGITAL CAMERA
1zpresso Q series
磨豆器保养方面,不外乎系拆开刀盆攞扫清洁,金属刀盆一般都唔可以用水洗,买返黎一定要keep好份说明书,入面一定会讲点拆同点洗。